Маркетплейстерде сауданы қалай бастауға болады?

Электрондық сауда әлемінде маркетплейстер кәсіпкерлер үшін қуатты құралға айналды. Маркетплейстерде сату барған сайын танымал бола бастады. Бұл сұраныстың көптеген артықшылықтары бар: сервистің танымалдығы, дайын маркетингтік құралдар, клиенттердің үлкен ағыны, көп ауқым, қол жетімділік, байланысудың оңайлығы және т. б.   

Бұл мақалада біз жалпы маркетплейс туралы, оның неге пайдалы екенін және осындай платформаларда қалай сауданы дөңгелетіп кету жолдарын қарастырамыз.

Маркетплейс – бұл сатушылар мен сатып алушыларды біріктіретін, оларға сауда операцияларын жасауға дайын кеңістік құрылған онлайн платформа. Маркетплейстің негізгі ерекшеліктеріне тауарлардың кең ассортименті, іздеу және салыстыру ыңғайлылығы және қауіпсіз мәмілелер кіреді.

Дайын және бұрыннан белгілі маркетплейстерде өз тауарларыңыз бен қызметтеріңізді жариялау жарнамаға үлкен инвестиция салмай, сайт жасау, әлеуметтік желілерде парақшаңызды үздіксіз жүргізіп отыру сияқты әрекеттерсіз-ақ өз бизнесіңізді нөлден бастап дамытуға мүмкіндік береді. Сіздің бизнесіңіз үшін сізге қажет нәрсенің бәрі дайындалды, сізге тек жақсы маркетплейсті таңдау, оның қалай жұмыс істейтінін түсіну, тіркелу қажет және өз ұсыныстарыңызды жариялауды бастаңыз. 

Маркетплейстерде сауда жасаудың бірнеше артықшылығы бар:

• Инвестициясыз дерлік бизнесті бастау мүмкіндігі: маркетплейстегі стартап бастапқы шығындарды азайтуға мүмкіндік береді, өйткені платформа клиенттер ағынын қамтамасыз етеді; 
• Сатушыларға арналған қарапайым бизнес-процестер: маркетплейстер тауарларды жариялауға, тапсырыстарды өңдеуге және клиенттермен өзара қарым-қатынас құруға арналған инфрақұрылымды, бизнес-процестерді жеңілдетуге мүмкіндік беретін әртүрлі дайын маркетингтік құралдарды ұсынады; 
• Бизнестің қарқынды дамуы және сатылымның артуы: дайын аудитория мен маркетплейс ауқымының арқасында бизнес аясы тез кеңейіп, жаңа клиенттерді тарта алады; 
• Қалыптасқан клиенттік базаға қол жеткізу: маркетплейстегі үлкен масштабтағы пайдаланушылар есебінен нысаналы аудитория мен әлеуетті сатып алушыларды тартуға ресурстарыңыз бен күш-жігеріңізді жұмсаудың қажеті жоқ;  

Шығындарды оңтайландыру және үлкен шығындардан үнемдеу, мысалы үй-жайларды жалға алу. Маркетплейс – бұл сіздің пайдаңызды арттырудың тамаша мүмкіндігі, өйткені үнемдеумен қоса, сіз бірден бірнеше сайтта сауда жасай аласыз, бұл сіздің одан да көп клиентті тарту мүмкіндігіңізді арттырады.

Сататын тауарды таңдау:

Нарықтың ағымдағы тенденцияларын зерттеңіз, қандай тауарларға сұраныс бар, не танымал екенін талдаңыз, тауарлардың маусымдылығын ескеруді ұмытпаңыз. Осы сала бойынша дұрыс таңдау жасау үшін “Бизнесті ашу үшін нарыққа талдау жасау” мақаласымен танысуды ұсынамыз.

Ескере кететін тағы бір нәрсе тауарлардың барлығын маркетплейстерде сатуға бола бермейді. Мысалы, OLX жарнама сервисінде кейбір тауарларды сатуға тыйым салынады: жарамдылық мерзімі өткен азық-түлік өнімдері, оккульттік тақырыпқа байланысты тауарлар/заттар, ұсыныстар және т.б. OLX-те жариялауға жол берілмейтін тауарлардың көпшілігі Қазақстан Республикасының заңнамасына сәйкес көрсетілген. Толығырақ ақпаратты “Жариялауға тыйым салынған тауарлар мен қызметтер” мақаласынан оқи аласыздар. 

Бизнесті тіркеу және шот ашу:

Әрі қарай, сіз өзіңіздің бизнесіңізді ресми түрде тіркеуіңіз керек. Ісін жаңа бастаған кәсіпкерлердің көпшілігі бизнесті онлайн форматта жүзеге асыру кезінде өз қызметін тіркеудің қажеті жоқ деп санайды, өйткені Қазақстандағы виртуалды әлемдегі саудаға әлі салық салынбайды. Дегенмен, форматына қарамастан тауарларды/қызметтерді сатуды жүзеге асыру бұл ҚР заңнамасына сәйкес міндетті түрде тіркелуі тиіс кәсіпкерлік қызмет түрі.

Маркетплейстерде сауда жасайтын кәсіпкерлер үшін ең жақсы жолы – ЖК-ны салық салудың жеңілдетілген режимімен тіркеу. Ол үшін сіз өзіңіздің тіркелген жеріңіз бойынша Халыққа қызмет көрсету орталығына немесе сіздің қалаңыздағы мемлекеттік кірістерді басқару органына жүгінуіңіз немесе Қазақстан Республикасының электрондық лицензия беру сайтында  (ЭЦҚ-ның электрондық-цифрлық қолтаңбасы болған жағдайда ғана) өз бетіңізше тіркеуден өтуіңіз қажет. Тіркелу үшін жеке куәліктің көшірмесін ұсынып, нысанды толтыру қажет. Кейбір жағдайларда сіздің қызметіңізді жүзеге асыру үшін қажетті жалға алынған үй-жайды/аумақты растау туралы анықтама сұралады.

Бизнесіңізді сәтті тіркегеннен кейін сізге қаржылық операцияларды жүзеге асыру және бизнесті жүргізу үшін ең тиімді шарттарды ұсына алатын банкті таңдау керек. Сіз банктердің шарттарымен олардың ресми сайттарында немесе тікелей қызметкерлерден егжей-тегжейлі кеңес алу арқылы таныса аласыз. Бизнес-шот ашу үшін банкке сіздің жеке куәлігіңізді, құрылтай құжаттарыңызды, ұйымыңыздың мөрлерін ұсыну қажет, сонымен қатар қосымша басқа да қосымша құжаттар қажет болуы мүмкін. 

Маркетплейсті таңдау:

Әртүрлі маркетплейстердің ережелерін, ұсыныстарын және артықшылықтарын зерттеңіз. Ең алдымен танымал платформаларға, сондай-ақ қазақстандықтар тарапынан оларға деген сенім деңгейіне басымдық беріңіз. Маркетплейстің статистикалық мәліметтерін талдаңыз: бірегей пайдаланушылар саны, жарнамалар саны, сәтті мәмілелер, қол жетімді бизнес құралдары, сайт инфрақұрылымы және т. б. 

Мысалы, өткен жылы OLX хабарландыру қызметінің аудиториясы айына 911 миллион белсенді пайдаланушыны құрады, бұл ретте берілген хабарландырулар саны 25,5 миллионнан асты. OLX сонымен қатар кәсіпкерлер үшін әртүрлі құралдар мен тиімді ұсыныстарды белсенді түрде енгізуде: әртүрлі тиімді хабарландыру пакеттері, Бизнес-парақшаларр, ілгерілету қызметтері және т. б.

Маркетплейсте тіркелу:

OLX-те тіркелу процесінен өтіңіз, қажетті деректерді енгізіңіз және тіркеу жазбасын жасаңыз. Сіздің компанияңыз туралы толық және сенімді ақпаратты көрсету өте маңызды, өйткені бұл клиенттердің сенім деңгейін арттырады және осылайша сатылымның өсуіне ықпал етеді. Пайдаланушылар сізбен байланысып, қажетті кеңес алуы үшін телефон нөмірлері мен басқа да байланыс мәліметтерін міндетті түрде көрсетіңіз. 

Тауар картасын жасаңыз және ресімдеңіз:

Компанияңызды сәтті тіркеп, ол туралы ақпаратты толтырғаннан кейін сіз жарнамаларды орналастыруды бастай аласыз. Сіз таңдаған маркетплейстің ұсыныстары мен ережелерін сақтай отырып, платформада өнім картасын жасаңыз. Есіңізде болсын, жарнамалар жарқын және тартымды тақырыптармен, тауардың/қызметтің құрылымдық сипаттамасымен, грамматикалық қателіктерсіз жасалуы керек. Сондай-ақ, өнімнің фотосуреттерінің сапасына назар аудару маңызды. Әлеуетті сатып алушы нақты не сатып алуды жоспарлап отырғанын көруі керек. Қосымша ұсыныстар мен нұсқауларды “OLX дүкен бизнес парақшасы дегеніміз не: іске қосу және басқару” мақаласынан таба аласыз.

Маркетплейстерде қандай тауарды сатқан дұрыс? 

OLX-та саудам сәтті жүрсін десеңіз танымал тауар түрлеріне көңіл бөлген дұрыс, мысалы: электроника, киім, аксессуарлар және тұрмыстық техника. Танымал тауарлар туралы “OLX-та нені жиі сатып алады?” и “Күзде не сатылады?” мақалаларынан оқып біле аласыздар. 

Маркетплейстерде сауда жасау – бұл кәсіпкерлер үшін өз бизнесін қомақты инвестицияларсыз бастауға тамаша мүмкіндік, дұрыс тәсіл мен стратегияны таңдасаңыз бұл сізге болашақта табысты бизнеске жол ашпақ.