Қызметкерлер тиімділігін қалай арттыруға болады және персоналды бағалау әдістері

Қазіргі заманда қызметкерлер тиімділігін арттыру – компанияңыздың жетістіктерге жету және тұрақты дамуының негізгі факторы. Қызметкерлерді бағалау және олардың тиімділігін арттыру үшін шаралар қабылдау адам ресурстарын басқарудың маңызды құрамдас бөлігіне айналады. Персоналды басқару жүйесінің тиімділігін бағалау әдістері, біз осы мақалада дәл осы тақырыпта әңгіме қозғайтын боламыз:)

Персоналды бағалау әдістері – бұл қызметкерлердің жұмыс өнімділігін, міндеттерін орындау сапасын және компанияның мақсаттарына жетуге қосқан үлесін анықтау мақсатында олардың жұмысын талдау мен бағалаудың жүйелі процесі. Бұл процесс персоналды тиімді басқаруды қамтамасыз ету және қызметкерлердің даму бағыттарын анықтау үшін қажет.

Қызметкерлердің тиімділігін арттыруға мүмкіндік беретін қызметкерлерді бағалаудың негізгі әдістерін қарастырып көрейік: 

1. Автоматтандырылған уақытты есепке алу жүйелері – қызметкерлердің жұмыстағы уақытын бақылаудың тиімді құралы болып табылады. Жұмыс уақытын есепке алуды автоматтандыруға, өнімділікті талдауға және уақытты пайдалану үрдістерін анықтауға мүмкіндік береді. Қазіргі уақытта мұндай автоматтандырылған жүйелер көптеген компанияларда, әсіресе мемлекеттік органдарда, квазимемлекеттік секторда, мұнай компанияларында және т. б. қолданылады.
2. Тестілеу – бұл қызметкерлердің білімін, дағдылары мен құзыреттілігін бағалау үшін кәсіби тестілерді қолдану. Бұл әдіс белгілі бір сұрақтар мен оған жауап нұсқаларын дайындауды қамтиды. Тестілеу жалпы немесе нақты кәсіби дағдыларға бағытталған болуы мүмкін. Алынған тестілеу нәтижелерінің көмегімен сіз қызметкерлердің қасиеттерін, біліктілігін, сондай-ақ олардың жеке құндылықтарын, эмоционалдық ерекшеліктерін және т. б. талдауды егжей-тегжейлі сипаттай аласыз.
3. Сұхбат – бұл қызметкерлердің кәсіби дайындығын, мотивациясын, қарым-қатынас дағдыларын және даму әлеуетін бағалау мақсатында жасалатын олармен жүргізілетін жүйелі әңгімелер. Әдетте, сұхбат әдісі көп жағдайда жаңа қызметкерлерді жалдау кезеңінде қолданылады. Мысалы, OLX жаңа қызметкерлерді іздеу кезінде үміткерлердің сұхбаттан қалай сәтті өтетініне көп көңіл бөледі.
4. Аттестаттау – қызметкерлердің біліктілігін белгіленген критерийлер бойынша тұрақты бағалау. Ол көбінесе кәсіби дағдылар мен білімді бағалау үшін қолданылады.
5. Ассессмент орталығы – бұл қызметкерлердің кәсіби және жеке қасиеттерін бағалау үшін кешенді іс-шараларды ұйымдастыру, мысалы, іскерлік жағдайларды шешу, топтық тапсырмалар және психометриялық тесттер.
6. Іскерлік ойындар – қызметкерлердің әртүрлі бизнес сценарийлеріне реакциясын, олардың командалық дағдыларын және шешім қабылдау қабілетін бағалау үшін бизнес жағдайлар мен ойындарды қолдану. Басқаша айтқанда, бұл жұмыс жағдайларын модельдеуге және имитациялауға негізделген «case study» түрі. Негізінен мұндай ойындар қызметкерлердің командада қалай жұмыс істей алатындығын бағалау үшін топтарда өткізіледі. Кең таралған іскерлік ойындардың бірі – «Ұшақтар», онда командалар мүмкіндігінше көп қағаз ұшақтарын ұзын дәліздің соңына дейін ұшып кетуі үшін модельдеуі, жасауы және ұшыруы керек.
7. Сауалнамалар – қызметкерлер арасында жұмысқа қанағаттану деңгейін, проблемаларды анықтау және жақсарту жұмыстары бойынша ұсыныстар жинау үшін анонимді сауалнамалар жүргізу.

Бағалау нәтижелері басқару шешімдерін қабылдау үшін негіз болып табылады. Деректерді талдағаннан кейін қорытындылау, жалпы тенденциялар мен проблемаларды анықтау, қызметкерлердегі нақты проблемаларды бөліп көрсету қажет. Осы деректерге сүйене отырып, құпиялылықты қамтамасыз ететін әңгімелер жүргізіңіз және процестерде, оқытуда немесе міндеттерді қайта бөлуде түзетулер енгізіңіз. 

• Қарамағындағы қызметкерлерге нақты міндеттер қою.
• Қызметкерлердің біліктілігі мен қалауын ескере отырып міндеттерін бөлу.
• Бақылау жүйелерін қолдана отырып, тапсырмалардың орындалуын бақылау.
• Тұрақты кері байланысты қамтамасыз ету, қызметкерлермен ашық қарым-қатынасты сақтау, мәселелерді уақтылы шешу және процестерді түзету.
• Қызметкерлерді жетістіктері мен табысты жұмысы үшін ынталандыру және мадақтау.

Персоналды бағалау жүйелері мен әдістері персоналдың тиімділігіне және жалпы командалық құрылымға тікелей әсер етеді. Осы аспектілерге жүйелі түрде назар аудару өнімді және ынталы команда құруға көмектеседі, бұл өз кезегінде компанияның жалпы мақсаттарына қол жеткізуге ықпал етеді.