Теріс пікірлерді өңдеу және сатушылардың рейтингтерін қалай арттыруға болады

Клиенттердің пікірлері әрқашан маңызды. Клиент өз пікірін білдірсе, тауар/қызмет туралы пікір қалдырса, бұл ең алдымен әлеуетті сатып алушыларға әсер етеді. Көптеген адамдар қазір өз ақшасын жұмсамас бұрын пікірлерді оқып, басқа адамдардың пікірлерін оқиды. Осылайша, сіздің мақсатты аудиторияңыздың кері байланысы сізге көбірек тұтынушыларды тартады, бұл басқа тұтынушылардың өнімді сатып алу туралы шешіміне оң әсер етеді немесе, керісінше, әлеуетті сатып алушылар сізді таңдамайды. Сонымен қатар, клиенттен кері байланыс – бұл сіздің тауарыңызды/қызметіңізді жақсарту, бар мәселерді көріп, себебін түсіну және жақсартылған және одан да ерекше өнім жасау мүмкіндігін береді. 

Өкінішке қарай, әр бизнес теріс пікір немесе комментарий алады. Мұның негізгі себептері қызмет көрсету деңгейінің төмендігі, қызметкерлердің салғырттығы, тауардың сапасының төмендігі, бағаның шамадан тыс көтерілуі, ұзақ күту және тағысын тағы болып табылады. Демек, өз бизнесіңіздің атына осындай қолайсыз түсініктемелердің туындауын болдырмау үшін сізге клиенттік тәжірибеге, қызметкерлердің жұмысына, тауардың сапасына, тапсырысты ресімдеу, оны сатып алушыға жеткізу сияқты барлық процесстерге мұқият  назар аудару қажет. Клиент болып, тауарды/қызметті алудың барлық кезеңін басынан аяғына дейін өтіңіз. Бұл клиенттік тәжірибені жақсы түсінуге және бағалауға көмектеседі.

Теріс пікір қалдырды. Мұндай пікірлерден құтылуға асықпаңыз, аудиториямен адал болу маңызды. Пікір жағымсыз болған күннің өзінде міндетті түрде жауап беріңіз. Жалпы кез келген пікірге мүмкіндігінше тез жауа беруді ұсынамыз, осылайша клиенттерге деген сыйластығыңызды білдіресіз. Кез келген теріс пікірді тексеріңіз, шынымен орын алған жағдай ма жоқ па деген сұраққа жауап іздеңіз. Жауап бергенде осындай жағымсыз жағдай болғанына қайғырғаныңызды білдіріңіз. Бұндай жағдайдың болу себептерін түсіндіріп, осы мәселенің шешімін тауып, ендігі әрі қайталанбайтындай шаралар жасап жатқаныңызды айтыңыз. Шынайы пікір үшін алғыс білідіріңіз. Теріс пікірлерге жауап бергенде дайын үлгідегі жауаптарды пайдаланбаңыз. Бұл сіздің клиенттерге деген немқұрайлығыңызды көрсетеді. 

Бір қызығы, теріс пікірлердің бірқатар оң тұстары бар: өсу нүктесі, сіздің мақсатты аудиторияңыздың қажеттіліктері мен тілектерін дәлірек түсіну, тауарыңыздың/қызметіңіздің сапасын көтеру, масштабтау және жақсарту мүмкіндігі, қызметкерлеріңіздің өнімділігін өсіру және тағысын тағы. Егер қандай да бір теріс пікір түссе, жауап жібергеннен кейін, компания ішінде шағын тергеу жүргізіп, жағдайды терең талдауды ұмытпаңыз. Болашақта бұндай жағдайдың алдын алуға көмектеседі, бұны жұмыс сапасын жақсарту мүмкіндігі ретінде қабылдаңыз. 

Тек теріс немесе жағымсыз пікірге ғана жауап бермей, оң пікірлерге де жауап берген жөн. Алгоритм бірдей: кері байланыс үшін алғыс білдіріңіз, клиенттеріңізді қуантуға бар күшігіңізді салып, клиенттеріңіздің тәжірибесін жақсартудың жолын іздейтініңізді айтыңыз. Мәселен, тауарыңызды сапасы жоғары деген пікір түссе, жауабыңызда тек тексерілген компаниялармен жұмыс істейтіңізді, тауарды таңдау процессі мұқият тексерістен өтетінін атап өткеніңіз абзал. 

Клиенттеріңізді белсенді ұстауға тырысыңыз, оларды әрқашан кері байланыс беруге ынталандырыңыз, сіздің компанияңыз үшін клиенттердің пікірі маңызды екенін және сіз оларды әрқашан тыңдайтыныңызды ескеріңіз. Кері байланысты арттыру үшін пайдаланушыларға түсініктеме немесе шынайы шолу орнына жеңілдік,промокод немесе шағын сыйлық ұсына аласыз. Осылайша сіз тұтынушылармен қарым-қатынасты жақсартып қана қоймай, өз компанияңыздың рейтингін және сатушының рейтингін арттырасыз.