Тауар жеткізушіні табу және ынтымақтастықтың тиімді шарттары

Тауарларды сатып алу және сату, яғни, ритейл сегменті танымал, кең таралған және тиісінше табысты сала.  Жеткізуші не істейді? Оның міндеті қандай? Жеткізушілермен жұмыс істеу процессі қандай? сияқты сұрақатардың жауабын осы мақалада табасыз 🙂

Кейбір адамдарда әлі күнге дейін жеткізуші кім, ол немен айналысады және неліктен ол клиенттермен тікелей жұмыс жасай алмайды немесе неліктен осы күнге дейін делдалдар арқылы өнім алу өзекті деген сұрақтар туындайды. 

Жеткізуші кәсіпкер/клиентке дейін тауарларды/көрсетілетін қызметтерді жеткізетін компания, ұйым немесе жеке тұлға. 

Жеткізушілердің бірнеше түрі бар, әрқайсысы әртүрлі баға саясатын ұстанады, ынтымақтастық ерекшеліктері бар және тағысын тағы. Әрқайсын талдап көрейік: 

Тауар өндірушілер

Өндірушілер өнімді жасайды. Осыған байланысты сіз тауар үшін артық төлейтініңізге алаңдамасаңыз болады, сондай-ақ жалған немесе сапасыз өнім алу қаупі жоқ. Өндірушілер көбінесе көтерме тапсырыстар мен ірі жеткізілімдер негізінде ынтымақтасуды жөн көреді, өйткені өте тиімді, төмен баға ұсынылады.

Дистрибьюторлар мен дилерлер

Дистрибьюторлар тауарды ірі партиялармен тікелей өндірушілерден сатып алатын, содан кейін оны шағын партиялармен кәсіпкерлерге, жеке тұлғаларға немесе әртүрлі бөлшек сауда компанияларына қайта сататын делдалдар . Тиісінше, өнім бағасы тікелей тауар өндірушілерден сатып алғаннан қымбатырақ болатыны анық.

Дистрибьюторлармен немесе дилерлермен жұмыс істеудің негізгі артықшылығы – уақыт пен ресурстарды үнемдеп, бірнеше тауар түрін клиенттерге ұсыну мүмкіндігі.  Дистрибютрлер  икемді және ұзақ мерзімді негізде ынтымақтасатын әріптестері үшін тиімді жағдайлар жасайды.

Дропшипперлер

Дропшипперлердің жұмыс істеу қағидаты дистрибьюторларға және дилерлерге ұқсас.  Олардың арасындағы негізгі айырмашылық дистрибьюторлармен салыстырғанда дропшипперлердің өнімді сақтауға арналған қоймаларының жоқтығы. Яғни, дропшиппинг тұжырымдамасы «делдал» өз қоймасында аралық сақтаусыз тауарларды өндірушілерден түпкі тұтынушыларға тікелей жеткізуді жүзеге асыратынына негізделеді.

Жеткізушілердің бұл түрі көбінесе электрондық коммерцияда, яғни онлайн алаңдарда: интернет-дүкендерде, әлеуметтік желілерде кездеседі. Дропшипперлер қойманы ұстау мен жалға алуға, күрделі логистикалық жолдарға жұмсалмайтындықтан, мұндай жеткізушілермен ынтымақтастық қаржылай тұрғыдан тиімді. 

Импорттаушы компаниялар

Жеткізуші түрінің атауы осы қызметтің форматын сипаттайды. Шетелден тауарлар жеткізумен айналысатын ұйымдар импорттаушы компанияларға жатады.

Олармен ынтымақтастықтың негізгі артықшылығы: нарықта жоқ немесе сирек кездесетін бірегей тауарларды ұсынып, клиенттерді тарту мүмкіндігі. Сонымен қатар, импорттық өнім есебінен ассортиментіңізді кеңейтіп, тұтынушыларға түрлі тауар түрлерін ұсынасыз. Әдетте импорттаушы компаниялар ірі тауар партияларымен жұмыс істейді. 

Қазақстандағы жеткізушілерге қалай шығуға болады? Интернет-дүкен үшін тауар жеткізушіні қалай табуға болады? Осындай сұрақтар ісін жаңа бастаған кәсіпкерлерді мазалайды. Сіздің бизнесіңіздің барлық табысы тауардың ассортименті мен сапасына байланысты, сондықтан сенімді және адал серіктестер табу аса маңызды. Технологиялардың белсенді дамуымен бизнесмендердің өз ісін дамытуға және ілгерілетуге мүмкіндіктері көп:

Әлеуметтік желілер мен мессенджерлер

Әлеуметтік желілер – компанияның бизнес карточкасы, сол себепті ірі әрі табысты компаниялар, өндірушілер, импорттаушылар, дистрибютрлық фирмалар осы байланыс каналаын пайдаланады. Белсенді коммуникациядан бөлек, әлеуметтік желілер арқылы ұсыныстар мен шарттар туралы ақпаратты да қадағалап отырасыз. 

Түрлі каналдар, топтар мен қауымдастықтарға жазылуға кеңес береміз, онда пайдалы ақпарат пен контактілер таба аласыз. Мысалы, кәсіпкерлер тобы, бизнесмендер ассоциациясы және тағысын тағы. 

Әлеуметтік желілер мен мессенджерлер арқылы жеткізушілер бөлшек сауда клиенттерін табуды көздейді, дегенмен тауардың үлкен көлемін сұрасаңыз, көтерме бағаға да келісу мүмкіндігі бар. 

Хабарландыру тақтасы

Сіз сондай-ақ өзіңізді қызықтыратын тауарлар/қызметтер бойынша хабарландырулардың түрлі тақталарында барлық жариялымдарды көре аласыз. Жеткізушілерді іздеудің бұл түрі шағын және орта бизнес үшін өте қолайлы, өйткені дәл осы хабарландыру тақталарында шағын өндірушілер және шағын сегменттегі жеткізушілердің басқа да ықтимал түрлері жарияланады. Осындай платформаларда сіз барлық ұсынылған мәліметтерді зерттеп, компаниямен егжей-тегжейлі таныса аласыз.

Хабарландыруларды тақталарға орналастыру басқа платформалармен салыстырғанда аз шығынды, тиісінше сізге өте тиімді бағамен өз тауарларын/қызметтерін ұсына алатын серіктестерді табу мүмкіндігі жоғары.

Көтерме базарлар

Әлеуметтік желілер мен электрондық коммерцияның белсенді дамуымен де, офлайн іс-шаралар мен тікелей байланыс провайдерлерді табу үшін бірдей қажетті және тиімді құралдар ретінде пайдалануды тоқтатпайды. Түрлі іс-шараларға, көрмелерге, қалаңыздағы көтерме сауда базарларына, конференцияларға барыңыз. Нарықты зерттеудің арқасында сіз серіктес таба аласыз. Ізденістің басты артықшылығы-тәуекелдерді азайту, өйткені сіз әлеуетті серіктеспен тікелей сөйлесуге, ұсынылған тауарлар мен қызметтердің ассортиментін көріп, егжей-тегжейлі таныса аласыз.

Маркетплейтер

Маркетплейс –  жеткізушілерді іздеудің тиімді әрі жылдам әдістерінің бірі. Белсенді пайдаланушылардың көптігі, келушілердің көптігі және түрлі ілгерілету құралдарының арқасында сіз өзіңізге қажет өндірушіні, дистрибьюторды немесе импорттаушыны оңай таба аласыз.

Артықшылықтары: компаниялардың үлкен таңдауы, әртүрлі сегменттер, компанияны егжей-тегжейлі зерттеу, ассортиментпен танысу мүмкіндігі. Кемшіліктер: жеткізушілерді мұқият тексеру қажет, себебі, өкінішке қарай, ешкім де алаяқтықтан сақтандырылмаған.

Жеткізушілер каталогы

Мамандандырылған тізімдер мен дерекқорлар арқылы сіз өзіңізге қажетті тауар мен жеткізушіні қиындықсыз таба аласыз. Әртүрлі санаттарға бөлініп, барлық ақпаратты жүйелендіру іздеу процессін тез әрі оңай етеді.  

Бәсекелестер

Әріптестеріңізді зерттеңіз, сіздің бәсекелестеріңіз сіз үшін пайдалы ақпарат қоймасы болуы мүмкін. Сіздің тауашаңыздағы көшбасшы ойыншыларды таңдаңыз және олардың жұмысын егжей-тегжейлі зерттеңіз, компаниялар көбінесе өздерінің жеткізушілері мен серіктестері туралы ақпаратты бөліседі. Сонымен қатар, ұйым қызметкерлерінен тікелей «құпия клиент» ретінде сұрауға болады: олар тауарды қайдан сатып алады, тауар өндіруші кім және т.б.

Жеткізушілермен ынтымақтастық шарттары бірінші кезекте ұсынылатын бағаларға және ынтымақтастық шарттарына байланысты. Айтып кеткеніміздей, сіз импорттаушы компаниялармен жұмыс істесеңіз, Қазақстанға шетелдік тауарларды әкелуге, сол арқылы нарыққа бірегей өнім ұсына аласыз. Егер сіз Еуропамен немесе АҚШ-пен жұмыс істеуді жоспарласаңыз, онда келесі тексерілген платформалар арқылы әлеуетті жеткізушілерді іздеуге кеңес береміз: Esources.co.uk, Goolzi.com, SaleHoo, Worldwide Brands, 4wholesaleusa.com және тағысын тағы. 

Ең тиімді ұсынысты табу үшін сайттағы тауар туралы ақпараттың мазмұнын түсіну үшін шет тілін білу керек. Екіншіден, платформаның өзін, қалай жұмыс істейтінін, қандай құралдар қол жетімді екенін зерттеу қажет, сізде әртүрлі жеткізушілерден таңдалған санат бойынша ең арзан тауарларды көру функциясы және тағысын тағы болуы мүмкін. Бір нұсқаға тоқтамаңыз, бірнеше ұсынысты салыстырыңыз, бірден бірнеше жеткізушілермен байланысыңыз және ең тиімді бағаны таңдаңыз. 

Артықшылықтары: делдалдарға артық төлемей өндiрушiлерге немесе импорттаушыларға тiкелей шығу мүмкiндiгi. Сіз тауарлардың барлық ассортиментін қарап, бірегей өнімді таңдап, бағаларды, ұсыныстарды салыстыра аласыз.

Кемшіліктері: жоғары тәуекелдер, платформа жұмысын түсіну қажеттілігі, ағылшын тілін білу, коммуникация күрделілігінің ықтималдығы және т.б.

Егер сіз Қытайдан тауарлар әкелуді жоспарласаңыз, келесі сайттарда жеткізушілердің ұсыныстарын талдауды ұсынамыз: TaoBao, Alibaba, Aliexpress, Global Sources және т.б. Сондай-ақ осы ресурстардағы түрлі ұсыныстарды талдау арқылы бағаларын салыстыра аласыз, пайдаланушыларға тікелей жазыңыз және саудаласа алатыныңызды ұмытпаңыз =)

Артықшылықтары: тиімді бағалар, Қытай тауарларға төмен бағаларымен нарықта өте танымал, тапсырыс алудың қысқа мерзімі, логистика жұмысының үздіксіз арналары.

Кемшіліктері: қытай тілін білу қажеттілігі, алаяқтықтық ықтималы жоғары, сапасыз тауар алу ықтималдығы. 

Ұзақ мерзімді және өзара тиімді серіктестік құра алатын сенімді жеткізушіні табу үшін осы критерийлерді ескеруіңіз абзал:

1. Тауар сапасы – қандай өнім ұсынылды, нарықтағы тауардың беделі қандай, пайдаланушылар пікірі және тағысын тағы. Көрсетілген барлық ақпаратты тексеріп, тауарға сапа сертификатын көрсетуді сұраңыз.
2. Компанияның пайдалылығы мен беделі – сенімді және адал жеткізушімен жұмыс істейтініңізді түсіну өте маңызды. Ол үшін компанияның тарихын, қаржылық көрсеткіштерін, әріптестер, қызметкерлер немесе қазіргі/бұрынғы клиенттер пікірін зерттеңіз.
3. Тауардың құнын бағалау – жеткізушіні таңдағанда ол сізге қандай бағаны ұсынатыны маңызды. Ұсыныс неғұрлым тиімді болса, соғұрлым жақсы, сондықтан «саудаласудан» тартынбаңыз. Өзіңізге жеткізуші іздейтін алаңдарда барлық ұсынылған нұсқаларды бағалаңыз және бизнесіңіз үшін ең тиімдісін таңдаңыз.
4. Ынтымақтастық шарттары – тапсырыстың қандай көлемі, тауардың қандай ең аз мөлшері жеткізуші сізге жіберуге дайын, жеткізу шарттары, логистикалық арналар және т.б. Көтерме бағамен өнімді сатып алу үшін ынтымақтастықтың қандай шарттары бар екенін анықтаңыз, бұл сіздің бюджетіңізді айтарлықтай үнемдеуге мүмкіндік береді.

Сіз өзіңіз үшін ең тиімді ұсынысты таңдап, ассортиментті таңдап, қажетті жеткізушіні тауып алғаннан кейін, шағын мәселе қалды – онымен байланыс және коммуникация орнату. Жеткізушілермен өзара іс-қимыл кезінде нені ескеру керек?

• Әрқашан байланыста болыңыз және ең бірінші кезеңде ең ыңғайлы байланыс арнасын таңдаңыз: мессенджер, әлеуметтік желілер, бейнеконференциялар, жұмыс телефонына қоңыраулар, электрондық пошта немесе кәдімгі мәтіндік хабарламалар.
• Ынтымақтастығыңыздың барлық шарттарын жеткізушімен міндетті түрде талқылаңыз: тапсырыс берілген тауардың саны мен көлемі, жеткізу шарттары, жеткізу мерзімдері, тауарлардың сақталуы, қайтару саясаты, форс-мажорлық жағдайлар және т.б. Осы сәттерді нақтылаңыз, кез келген түсінбеушілік немесе бұрмалау бүлінген беделге және қаржылық шығынға әкеп соғуы мүмкін.
• «Сеніңіз, бірақ тексеріңіз», өнім берушіден оның сапасына нақты көз жеткізу үшін сынамалық тапсырыс үшін тауар даналарын ұсыну мүмкіндігін сұраңыз. Бұл тәуекелдерді төмендетуге, қажетсіз шығындарды оңтайландыруға және тұтастай алғанда осы тауарға қатысты сатып алушылардың көңіл-күйін түсінуге мүмкіндік береді.

Тауар базасы – бұл жеткізуші ұсынатын өнім туралы ақпараттық және статистикалық деректер: көлемі, мөлшері, саны, негізгі сипаттамалары. Осындай базаның арқасында сіз барлық тауарлар тізімімен оңай таныса аласыз. Сондықтан қандай да бір жеткізушімен шарт жасамас бұрын, олардың тауар базасын сұрап, ассортиментті жақсы түсіну үшін онымен егжей-тегжейлі танысыңыз. Көптеген жағдайларда компанияларда мұндай тауар базалары онлайн режимінде бейімделген, бұл әлеуетті серіктестерге/клиенттерге нақты уақыт режимінде барлық тауарлармен танысуға мүмкіндік береді.

Қателеспей және өз компаниясын тиімсіз жағдайға қалдырмай, жеткізушімен қалай шарт жасасуға болады? Келісімшартта жұмыстың барлық шарттарын, тараптардың негізгі міндеттемелерін ғана емес, форс-мажорлық жағдайларды да жазу аса маңызды. Өзіңізді қорғау және сақтану үшін бәрін егжей-тегжейлі жазып беріңіз. Шартта осы тармақтарды міндетті түрде көрсетуді ұсынамыз:

• Тараптардың міндеттері мен міндеттемелері;
• Жеткізу мерзімі;
• Тапсырыстың саны мен көлемі;
• Тауарлардың сақталуына жауапкершілік;
• Қайтару және ауыстыру шарттары;
• Транзакцияларды төлеу және жүргізу схемасы;
• Жеткізушінің жеткізу мерзімдерін бұзғаны үшін жауапкершілігі;
• Тараптардың шарт талаптарын бұзуы;
• Форс-мажорлық жағдайлар;
• Ынтымақтастықтың басқа да қосымша шарттары.