Бизнесті жылжытудағы СММ пайдасы 

Әлеуметтік желілер заманауи өмірдің ажырамас бөлігі. Адамдар уақытының басым бөлігін гаджеттарында өткізеді, ойын ойнайды, жаңалық оқиды, мессенджерлерде немесе Инстаграмда отырады. Әлеужелілер тек ақпарат көзі емес, сондай-ақ адамадар мен бизнес арасындағы коммуникация құралы. 

SMM (SMM) жылжыту – әлеужелілерді пайдалану маркетинг құралы, яғни әлеуметтік желілерде жылжыту: жеке аккаунт құру, оны дамыту және жылжыту, бұрыннан белгілі аккаунттардағы жарнама, мақсатты жарнама, бизнесті қолдаудың тұтас стратегиялық жоспары, яғни сатуды және тұтынушы базасын ұлғайтудың түпкілікті мақсаты бар бір жоба. Әлеуметтік желілердегі жарнама бизнеске өз брендінің танымалдылығын арттыруға, клиентке бағдарлануын жақсартуға, бизнесті кеңейтуге, клиенттермен қарым-қатынасты оңтайландыруға, кірісті ұлғайтуға, таргетті аудиторияны жақсы түсінуге, үрдістер мен нарықты талдауға мүмкіндік береді.

Кәсіпкерлік индустрияның заманауи шындығында компанияны әлеуметтік желілердегі маркетингсіз елестету мүмкін емес. Адамдар өздерінің гаджеттеріне көбірек уақыт өткізеді, сондықтан бұл клиенттермен байланыста болудың ең тиімді жолы. SMM-маркетинг арқылы бизнесіңізді алға жылжыту үлкен бастапқы инвестициясыз өз өніміңіз туралы айтуға, оның нарықтағы танылуын арттыруға және аудиторияңызға жақындауға мүмкіндік береді. Сіз клиенттерге өніміңізді/қызметіңізді көрнекі түрде ұсынып, ұсынысыңыздың  бірегейлігін түсінуге мүмкіндік бересіз. Әлеуметтік желілерді жүргізу қажетті тауарлардан, сұлулық индустриясынан, балаларға арналған тауарлардан, әртүрлі қызметтерге дейін кез келген бизнес секторына қажет десек артық болмас. Тіпті мемлекеттік органдар қазірдің өзінде әлеуметтік желілерде SMM маркетингіне жүгініп жатыр, өйткені бұл шынымен де адамдармен қарым-қатынастың ең тиімді арнасы.

Бизнесті әлеуметтік желілерде жылжыту  үшін SMM жоспар құру маңызды :

1. Сіздің әлеуетті клиенттеріңіз кім; олардың артықшылықтары, мүдделері, қызығушылықтары; мақсатты аудиторияңыз қандай әлеужеліде уақытын өткізеді,  сіздің әлеуетті клиенттеріңіз үшін қарым-қатынастың қандай форматы мен сарыны  түсінікті болады; олар үшін қандай тауарлар/қызметтер қызықты  және тағысын тағы. Мысалы, сіздің мақсатты аудиторияңыз – кеңсе қызметкерлері немесе мемлекеттік қызметкерлер болса, олармен байланысудың ең үздік платформасы Facebook немесе LinkedIn болады. TikTok жасөспірімдер үшін өзекті болады. Қазіргі таңда ең көп таралған әлеуметтік желілер – YouTube, Instagram және WhatsApp мессенджер. Бизнесіңізді жылжыту үшін платформаны таңдау сіздің ұсынысыңыз бен мақсатты аудиторияңызға тікелей байланысты.
2. Бренд концепциясын дайындау: сіздің  тіркелгіңіздің сырт келбеті  қандай болады, оның мазмұны қандай болады. Бұл кезеңде сіз өзіңіздің брендіңізді қалай таныстыруды жоспарлайтыныңызды, аудиторияңызға ақпаратты қандай форматта ұсынатыныңызды нақты түсінуіңіз қажет: қысқа бейнелер, бақылау тізімі жазбалары, қысқа шолулар және тағысын тағы. Бұл жағдайда SWOT-талдауы тиімді құрал болады,  барлық артықшылықтар мен  кемшіліктерді көрсететін болады. Сондай-ақ нарық пен бәсекелестеріңізді танып жүріңіз. 
3. Тіркелгіңізді жылжыту үшін SMM құралдарын таңдау: контент жоспары, контектті өңдеуге арналған дайын қолданбалар мен бағдарламалар, бейне және фото материалдар жасау, жазбаларды автоматты түрде жүктеп алу және т.б. Осы құралдар контент жасаудың таптырмас көмекшілері. 
4. Әлеуметтік желілердегі жарнаманы таңдау:
   • Органикалық жарнама – бұл тіркелгіңізді жылжыту үшін ақылы қызметтерді немесе әлеуметтік медиа құралдарын пайдаланбай, органикалық түрде өсу. Жазылушылардың органикалық өсуі аудиторияға ұнайтын, қызықтыратын контент дайындау, тұрақты жазбалар шығару, жазылымшылармен байланыста болу арқылы жүзеге асады. 
   • Қандай да бір бренд немесе қоғамдастық аудиториясының әртүрлі белсенділіктерін, жарияланымдарды білдіретін UGC немесе пайдаланушылық контент: шолулар, пікірлер және тұтынушылар тарихы, түсініктемелер, бетте түрлі белсенділіктерді іске қосу, мысалы, конкурс, түрлі флешмобтар, марафондар немесе челленждер. Басқаша айтқанда, сіз олардың әрекеттері есебінен брендіңіздің танымалдылығын арттыру үшін пайдаланушыларды тартасыз. Бұл жағдайда сіздің басты міндетіңіз – белсенділікті қолдау және қамтуды ұлғайту.
   • SMM таргет ақылы жарнамасы білікті маманды талап етеді. Таргетолог тіркелгіңіздегі белгілі жазбаға жарнама жасап, оны мақсатты аудиторияға жарнамалайды. Таргетті жұмыс істету үшін сатып алушыларыңыз кім, оларды қалай қызықтыруға болады деген сұрақтарға нақты жауабыңыз болуы тиіс.

Бренд үшін SMM жылжыту қаншалықты тиімді екенін түсіну үшін Google Analytics, іздеу сұраулары, белгілі бір әлеуметтік желілердегі пайдаланушылардың пікірлері сияқты деректерді талдау және өңдеу құралдарын пайдалану маңызды. Бүгін әлеужелілер пайдаланбай бизнес құру мүмкін емес. Бұл компанияны қолдайтын қосымша бір құрал емес, міндетті құрал.