Бизнеске кассалық аппартарды қалай таңдаса болады?

Жеке бизнесті тіркеу кезінде кассалық аппараттар сатып алу және оны орнату міндетті. Бұл аппараттар міндетті түрде Қазақстанның салық қызметімен сертификатталуы тиіс. Тіркеуден өткен касса аппараты қолма-қол және қолма-қол емес төлемдердің заңды қабылдануын қамтамасыз етеді. Бұл мақалада біз кассалық аппарат кімге қажет емес, Қазақстандағы ЖК үшін касса аппараты жалпы керек пе, 

2019 жылдан бастап заңды деңгейде кассалық аппараттар тауарларды сатумен және басқа да қызметтерді көрсетумен байланысты кәсіпкерлік қызметті жүзеге асыру үшін қажетті құралға айналды. Кассалық аппарат чегі сіздің компанияңыздың заңды құрылымы мен салық төлеуші екендігін білдіреді. Бұл аппарат болмаған жағдайда, сіздің кәсіпорын заң регламентінің бұзылуына байланысты әкімшілік жауапкершілікке тартылады. 

Соған қарамастан, қызметі қолма-қол ақшамен есеп айырысуға негізделген әрбір кәсіпкер кассалық аппаратты иеленуге міндетті емес. Қазақстан заңнамасында бірқатар ерекшеліктер қарастырылған, мысалы:

• Жылдық табысы ең төменгі жалақының 12 еселенген мөлшерінен аспайтын жеке тұлғалар. Нотариаттық қызметпен айналысатын адамдарға қатысты емес. Олар табыс көрсеткіштеріне қарамастан БКМ иеленуге міндетті.
• Адамдарды тасымалдайтын қоғамдық көлік жүргізушілері.
• Қызметі ашық үлгідегі сауда базарларына, фермерлік және шаруа қожалықтарына таралатын патент немесе арнайы салық режимі шарттарына негізделген кәсіпкерлер.

Кәсіпорын жұмысы басталғанға дейін кассалық аппаратты орнату – бұл қызметі қолма-қол ақшамен байланысты тұлғалардың тікелей міндеті. Тіркеу процедурасы белгілі бір тізімдегі жабдықтар үшін ғана мүмкін. Ол ҚР Қаржы министрі бекіткен мемлекеттік тізілімде қамтылған.

Қазақстанда БКМ-ді салық органына есепке қою мынадай құжаттардың болуын талап етеді:

• Касса аппараты иесінің өтініші.
• Дайындаушы зауыттың төлқұжаты.
• Қолма-қол есеп айырысу және тауар чектерін есепке алу кітаптары.

Касса аппараттарының негізгі екі түрі бар: стационарлық (аппараттық) және бағдарламалық. ЖК үшін қандай БКМ таңдау керектігін білмей тұрсыз ба? Ең алдымен, сіз өзіңіздің компанияңыздың функционалдығы мен ерекшеліктеріне сүйенуіңіз керек. Мысалы, егер сізде шағын кондитерлік дүкен болса, сізге көп функциялы POS жүйесін сатып алудың қажеті жоқ, әдеттегі БКМ жеткілікті. БКМ түрлерін жақсы түсіну үшін әрқайсысының кемшіліктері мен артықшылықтарын талдаймыз:

Бағдарламалық кассалық аппарат:  

• онлайн сатып алуға болады, сонымен қатар тегін алу мүмкіндіктері де қарастырылған;
• сынған кезде сіз кез келген ыңғайлы құрылғыға, мысалы, телефонға, ноутбукке немесе компьютерге қайта жүктей аласыз;
• тегін онлайн жаңартылады;
• телефон камерасы арқылы сканерлеуге болады;
• нұсқаулыққа сәйкес онлайн режимінде жасауға болады;
• чектерді электронды поштаға немесе мессенджерге жіберуге немесе басып шығаруға болады.

Стационарлық кассалық аппаратты:

• ТҚО-дан (кассалық машиналарға техникалық қызмет көрсету орталығы) сатып аласыз;
• бұзылған жағдайда ТҚО-ға апару керек;
• ақылы жаңа бағдарлама енгізу үшін ТҚО-ға апару керек;
• сканерін бөлек сатып аласыз;
• чекті беру кезінде тек басып шығаруға болады, бұл ретте принтер қажет.

2020 жылдың басынан бастап Қазақстандағы барлық кассалық аппараттар тауар туралы негізгі деректерден басқа (тауардың атауы, саны, бағасы) сатушы туралы қосымша мәліметтерді қамтуы тиіс QR-код бар чектерді беруге міндетті екенін ескеру қажет. Сонымен қатар, қаржылық операциялар туралы ақпаратты оның моделі мен өндірушісіне қарамастан бақылау-кассалық аппаратқа беру функциясын қосу қажет.