OLX-та сұранысты қалай зерттеу керек

Тауарлар мен қызметтерге сұранысты түсіну – OLX сияқты онлайн платформаларда табысты сауда жүргізудің негізгі элементі. Бұл талдау арқылы қандай өнім мен қызметтің сұранысқа ие болатынын анықтап, кірісті арттыру үшін сату және маркетинг стратегияларын бейімдеуге болады. OLX-та сұранысты дұрыс зерттеу мақсатты аудиторияңыздың қажеттіліктерін түсінуге, нарық үрдістерін анықтап, жөнсіз қауіптерді болдырмауға көмектеседі.

Өнім/қызметке сұранысты қай кезеңде бағалау қажет? Сұранысты зерттеу өнім мен қызметтің өмір циклінің түрлі кезеңдерінде қажет. Әсіресе жаңа өнімді шығармас немесе ассортиментті кеңейтпес бұрын, сондай-ақ жарнама науқандарын жүргізудің немесе баға саясатын өзгерту алдында талдау жүргізу маңызды.

Сұранысты өз бетіңізбен талдау мүмкіндігі немесе оны кімге сеніп тапсыруға болады. Қолда бар құралдар мен деректерді пайдаланып сұраныс талдауын өзіңіз жасай аласыз. Ал егер уақытыңыз болмаса немесе өз күшіңізге сенбесеңіз,  талдау тәжірибесі бар және нарықты талдау үшін кәсіби құралдарға қол жеткізе алатын мамандарға немесе маркетинг агенттеріне жүгініңіз. 

OLX платформасында өнімдерге сұранысты белгілейтін негізгі факторлар. OLX-та тауарларға сұраныстың болуына бірнеше факторлар әсер етеді:

Баға: сұраныстағы ең маңызды факторлардың бірі – баға. Бәсекеге қабілетті бағамен ұсынылатын өнімдер әдетте жоғары сұранысқа ие. Алайда, тым төмен бағалар өнім сапасына күмән тудыруы мүмкін.

Маусымдық: кейбір өнімдер маусымдық сұранысқа ие. Мысалы, қысқы киімдер мен жылыту құралдары суық уақытта үлкен сұранысқа ие болады, жазғы аксессуарлар мен жағажай аксессуарлары жылы мезгілде өзекті.

Бренд: белгілі брендтер көбінесе беделі мен сапасының арқасында жоғары сұранысқа ие. OLX платформасында тұтынушылар нақты брендтерді іздеуі мүмкін, бұл сол бренд өнімдеріне сұраныстың артуына әсер етеді.

Тауардың жағдайы: әдетте пайдаланылған тауарға қарағанда жаңа тауарға сұраныс жоғары. Дегенмен, антиквариат немесе автокөлік сияқты кейбір санаттарда  пайдаланылған тауарларға сұраныс жоғары болуы мүмкін.

Белгілі бір өнімге немесе қызметке әсер ететін факторлардың мысалдары. Мысалы, COVID-19 пандемиясы, яғни фитнес клубтар жабылып, адамдар үйде белсенді түрде жаттыға бастаған кезде спорттық жабдықтарға сұраныс артты.

Тікелей және кері сұраныс. Тікелей сұраныс – тұтынушының смартфон сияқты нақты бір өнімді іздеуі. Кері сұраныс тұтынушылар түрлі мәселелерге шешім іздегенде орын алады, ол шешім үшін түрлі өнімдер немесе қызметтер ұсынылуы мүмкін. 

Маусымдық сұраныс – жыл мезгіліне қарай өзгеретін сұраныс. Мысалы, жазда кондиционерлерге, қыста жылытқыштарға сұраныс артады.

Тұрақты сұраныс – ұзақ уақыт бойы өзгеріссіз тұратын сұраныс, мысалы, негізгі азық-түлік өнімдері мен тұрмыстық химияға сұраныс.

Құбылмалы сұраныс. Экономикалық жағдай немесе үрдістер сияқты түрлі факторларға байланысты өзгеретін сұраныс. Мысалы, сәнді киімге сұраныс қазіргі сән үрдістеріне байланысты өзгеріп отыруы мүмкін.

Тауар немесе қызметтің маусымға тәуелді екенін қалай түсінуге болады.

• Мұндай талдау не үшін қажет: Сұраныс маусымдылығын түсіну қордағы тауар саны мен жарнама науқандарын жоспарлауға, шығындарды оңтайландыруға және ресурстарды басқаруға көмектеседі.
• Нені бағалап, неге назар аударамыз: Біз сауда жайлы тарихи деректерді, сұраныстың маусымдық ауытқуларын және тренд деректерін талдаймыз.
• Мұндай талдауды қалай жасауға болады: Тарихи сату деректерін, маусымдық диаграммаларды және трендтерді пайдаланыңыз. OLX жүйесінде жылдың түрлі уақыттарында кейбір өнім санаттары үшін жарнама қаншалықты жиі шығатынын көруге болады.

Сұраныс пен ұсыныс арасындағы байланысты қалай бағалауға болады

• Осындай талдау не үшін қажет: Сұраныс пен ұсыныс арасындағы байланысты түсіну бәсекеге қабілетті позицияларды және ұсынысты жақсарту мүмкіндіктерін анықтауға көмектеседі.
• Нені бағалап, неге назар аударамыз: Белгілі бір өнімді сату туралы хабарландырулар санын оған сұраныс санымен салыстырыңыз. Жаңа хабарландырудың шығу жиілігіне және бәсекелестік деңгейіне назар аударыңыз.
• Мұндай талдауды қалай жасауға болады: OLX жүйесінде ұқсас хабарландырулар санын анықтау үшін іздеу және сүзгі функцияларын пайдаланыңыз. Бәсекелестік деңгейін бағалау үшін деректерді талдау және сстатистикалық құралдарды пайдаланыңыз.

Өнім немесе қызмет үшін тұтынушылардың санын қалай бағалауға болады

• Осындай талдау не үшін қажет: Тұтынушылар санын бағалау әлеуетті нарық көлемін және өсу мүмкіндіктерін түсінуге көмектеседі.
• Нені бағалап, неге назар аударамыз: Іздеу санын, сатылымдар мен сұраныс деректерін және жалпы нарықтық үрдістерді талдау керек.
• Мұндай талдауды қалай жасауға болады: Тұтынушының қаншалықты жиі іздейтінін және өнімге деген қызығушылықты анықтау үшін Google Keyword Planner және Google Trends сияқты кілт сөздерді зерттеу құралдарын пайдаланыңыз. OLX-те нақты өнімдер қанша рет қаралғанын және сұралғанын көріңіз.

OLX платформасында сұранысты бағалау үшін қолданылатын қадамдар мен барлық мүмкін құралдар.

• Тегін нұсқалар:
  • Сүзгілер мен іздеу сұратымдарын пайдалану. Сізге қызықты санаттар бойынша іздеу жүргізіп, жарнамалар саны мен олардың жиілігін бағалау үшін сүзгілерді пайдаланыңыз. Ұсыныстар мен бағалардың көлеміне назар аударыңыз.
  • Жарнамалар санын зерттеу. Сізді қызықтыратын өнім үшін қанша хабарландыру жарияланғанын және жарнамалардың қаншалықты жиі жаңартылатынын қараңыз. Бұл қазіргі сұраныс пен бәсекелестік деңгейі туралы түсінік береді.
  • Ұқсас тауарлардың бағасын талдау. Орташа нарық құнын анықтау және белгілі бір баға ауқымындағы өнімдерге сұранысты бағалау үшін ұқсас өнімдердің бағаларын салыстырыңыз.

• Тек OLX бизнес аккаунттарына арналған мүмкіндіктер:
  • Аналитикалық құралдар мен есептер. Платформадағы сұраныс, трендтер және белсенділік туралы егжей-тегжейлі есеп беретін бизнес аккаунттар үшін қолжетімді аналитикалық құралдарды пайдаланыңыз.
  • Кеңейтілген сүзгілер және іздеу. Бизнес аккаунттардың нарықты тереңірек талдауға мүмкіндік беретін қосымша функциялары бар, мысалы  егжей-тегжейлі есептер мен тарихи деректер.

Тауар танымалдылығы мен трендтерін анықтау үшін аналитикалық құралдарды пайдалану мысалдары. Тауарға қызығушылықты және тенденцияны анықтау үшін құралдарды қолданыңыз. Мысалы, белгілі бір уақыт аралығында белгілі бір өнімдерге деген жоғары қызығушылық өсу үрдісін көрсетуі мүмкін.

• Google Keyword Planner. Тұтынушылардың нақты бір өнімдерге қызығушылығын түсінуге мүмкіндік беретін іздеулер санын және кілт сөздер үшін бәсекелестікті анықтауға көмектеседі.
• Google Trends. Уақыт өте келе тауарлар мен қызметтерге қызығушылықтың өзгеруін қадағалайды, бұл маусымдық үрдістерді және сұраныстың өзгеруін анықтауға көмектеседі.
• Serpstat. Сұраныс пен бәсекелестік деңгейін бағалауға көмектесетін негізгі сөздер мен бәсекелестік ортаның егжей-тегжейлі талдауын қамтамасыз етеді.
• OLX-те танымал сұратымдар. Қазіргі уақытта қай өнімнің көп сұранысқа ие екенін түсіну үшін OLX платформасындағы танымал іздеулерді зерттеңіз.

OLX сұранысын жүйелі түрде зерттеу – осы платформада бизнесті сәтті жүргізудің маңызды аспектісі. Сұранысқа әсер ететін факторларды түсіну және қолжетімді талдау құралдарын пайдалану сату стратегияларын оңтайландыруға, ұсыныстарды бейімдеуге және негізделген шешімдер қабылдауға көмектеседі. Трендтер мен сұранысты ұдайы бақылау сізге бәсекеге қабілетті болып қалуға және нарықтық өзгерістерге тиімді әрекет етуге мүмкіндік береді.