Маркетплейс дегеніміз не?

Қазір бизнесті дамыту үшін көптеген мүмкіндіктер мен құралдар бар. Солардың бірі – маркетплейстер. Бизнесіңізді ілгерлетуді ойластырып жүрсіз бе, дегенмен,  маркетплейс не екенін, қалай істейтінін  білмейсіз бе? OLX командасы бәрін түсіндіріп беруге дайын. Маркетплейстер туралы осы мақаладан біле аласыз =) 

Маркетплейс нақты уақыт тәрьтібінде жұмыс істейтін платформа, оның көмегімен тауар мен қызметтеріңізді ұсынып, сата аласыз. Әдетте бұндай платформаларда әлеуетті клиенттеріңіз тығыз шоғырланған, сондықтан іс жүргізу қиын болмайды. Заманауи бизнесті Aliexpress, Amazon, OLX сияқты платформаларында тіркелмей елестету де қиын. 

Марткетплейс алаңы 

Маркетплейс алаңы трафиктің жоғары мөлшері есебінен жұмыс істейді, бұл кәсіпкерлерге ақпаратты өздерінің мақсатты аудиториясына өте тез жеткізуге мүмкіндік береді. Мысалы, тек OLX хабарландыру сервисінде бірнеше миллион бірегей пайдаланушылар тіркелген, олар нақты уақыт тәртібінде өзекті ұсыныстарды үнемі қарап отырады.

Маркетплейстің жұмыс істеу принципі функционалдығы  кеңейтілген интернет-дүкен. Пайдаланушыларға бірнеше санатқа бөлінген тауарлар мен қызметтердің кеңейтілген каталогы ұсынылады, бұл іздеу жүйесінің көмегімен қажетті ұсыныстарды ыңғайлы және тез табуға мүмкіндік береді. Сатушылар үшін тіркеуден өтіп, компания туралы, сондай-ақ тікелей тауардың өзі туралы барлық маңызды мәліметтерді көрсету қажет: пайдаланушының профилін толтыру, хабарландыруды ресімдеу, фотосуретті тіркеу және басқа да маңызды ақпаратты көрсету. Осыдан кейін платформада хабарландыру жарияланады және пайдаланушылар оны белгілі бір санатта көре алады, өздеріне ұнаған тауарды/қызметті таңдап, сауда мәмілесін жасасады. 

Маркетплейстер сатып алушы мен сатушы арасында жүзеге асырылған мәміленің пайызынан, жарнамадан, немесе пайдаланушылардың тіркеу жарналары есебінен пайда таба алады.

Маркетплейс түрлері

Бірнеше санаттарға сәйкес өзара ерекшеленетін маркетплейстердің бірнеше түрі бар. Мысалы, өнім түрі бойынша маркетплейстер тауарларға, қызметтерге, инвестициялауға және ақпаратқа байланысты бөлінеді. Яғни, тауардың немесе қызметтің түріне байланысты сатушы өзінің мақсатты аудиториясын табу ықтималдығы жоғары болатын маркетплейс таңдауы тиіс. Мысалы, кез келген тауарлар, сервис, қызметтер болса, онда сіз OLX хабарландыру сервисін пайдалана аласыз. Егер сіз жұмыс табуды немесе керісінше бос жұмыс орнына кандидат табуды жоспарласаңыз, онда сіз OLX-ке де, HeadHunter-ге де тіркеле аласыз.

1. B2B – бизнес үшін тауарлар ұсынатын алаңдар, бұл негізінен көтерме саудаға арналған. Мысалы, Pinduoduo, Amazon Business және тағысын тағы.
2. C2C – тауарларды бір жеке тұлғадан басқа жеке тұлғаға белгілі бір құнға, айырбастау бойынша не өтеусіз негізде сату. Яғни, егер  пайдаланушы өзінің қажетсіз затын басқа пайдаланушыға сатуға шешім қабылдаса, немесе көлемі бойынша сәйкес келмесе. Мұндай мәмілелер OLX хабарландыру сервисінде жасалады.
3. В2С – заңды тұлғадан (компаниядан, ұйымнан) жеке тұлғаларға (қарапайым пайдаланушыларға/клиенттерге) тауарлар мен көрсетілетін қызметтерді сату. Басқаша айтқанда, бұл әдеттегі дүкендегідей сауда жасау рәсімі/мәмілесі.

Маркетплейстердің кәсіпкерлер үшін артықшылықтары бар: 

• Жоғары трафик – ұсыныстарыңызды көретін пайдаланушылар саны. Хабарландыруларыңызды танымал ету үшін маркетплейс ұсынып отырған ілгерлерлету құралдарын пайдалануды ұсынамыз. 
• Жүйеленген тәсіл – клиенттер үшін де, сатушы үшін де түсінікті жұмыс істеу принципі мен әрекет алгоритмі. Маркетплейстерде тауарлар мен қызметтерді іздеуді жеңілдететін көптеген құралдар бар.
• Маркетплейсте сатуды бастау үшін . Бұл әсіресе бастапқы кезеңде өз өнімін ілгерілетуге немесе жарнаманы және басқа да маркетингтік науқандарды іске қосуға инвестициялау үшін артық қаражаты жоқ, ісін жаңа бастаған кәсіпкерлер үшін қолайлы. Маркетплейсте дайын алаң, бизнеске арналған онлайн дүкен қолжетімді, сонымен бірге сайтыңызды құруға ақша жұмсамайсыз. 

Сізге маркетплейске шығу және осы платформаларда жұмыс істеу қажеттігін түсіну үшін сіз маркетплейстерді пайдалану арқылы қандай сатушылар санатын және сіз қандай санатқа жататыныңызды анықтауыңыз керек. Маркетплейс шағын компаниялар, жеке тұлғалар немесе ісін жаңа бастаған кәсіпкерлер  үшін тамаша бастапқы алаң. Айтып кеткеніміздей, компаниялардың осы санаттары қаражатты үнемдеу және әлеуетті клиенттерді тиімді тарту есебінен маркетплейсте үлкен артықшылықтарға ие бола алады.

Жоғары трафик пен бейімделген ілгерлету  құралдарының арқасында, маркетплейс тұтастай алғанда кәсіпкерлердің кез келген санаты үшін тиімді. 

Маркетплейсте жұмыс бастау үшін платформамен, маркетплейстің жұмыс шарттарымен алдын ала танысуға кеңес береміз, мысалы, жарияланым үшін тауарлардың қандай санаттарына тыйым салынған, мәмілені ресімдеудің қандай рәсімі және тағысын тағы. 

Егер бизнесіңізді OLX хабарландыру сервисінде іске қосуды жоспарласаңыз, біздің жұмыс шарттарымызды оқып шығыңыз. Келесі қадамдарды орындаңыз:

• Жаңа аккаунт ашу
• Хабарландыру жасау
• Жариялау пакетіне тапсырыс беру
• Бизнес парақшасын құру

OLX бағдарламасымен жұмыс істеуді бастау үшін сізге қандай да бір құжаттарды ұсынудың қажеті жоқ. Тек «Жұмыс» санатында хабарландыру жариялауды жоспарлап отырған пайдаланушыларға талап бар. Жұмыс берушілер үшін OLX хабарландыру сервисімен шартқа қол қою талап етіледі.