Cатуға арналған тауарды фотоға түсіру

Заманауи өмір талабына сай онлайн-шоппинг өзектігі тек өсіп келеді, клиенттер назарын тартып, сауданы ұлғайту үшін тауарлардың сапалы суреті болғаны маңызды. Сондықтан, сапалы, тауарды әр қырынан көрсететін суреттердің болуы абзал. Киімді қалай фотоға түсіру қажет? Интернет-дүкенге арналған тауарлар суреттері қандай болуы тиіс? Барлық сұрақтарға осы мақалада жауап береміз 🙂 

Әдемі сурет түсірудің бірнеше белгісі бар. Соларға тоқталып кетейік: 

Тартымдылық:

• Жақсы суреттер сатып алушылар назарын тартарды. Түсі қанық, жақсы жарықта түсірілген суреттер тауарды сатып алуға итермелейді. Сондай-ақ тауар түсірілген фон да  маңызды. Сондықтан, тауарды фотоға түсіргенде фонға мән беруіңіз қажет. 

Сенім:

• Сапалы суреттер кәсібилік пен сенім кепілі ретінде қабылданады. Яғни, сатып алушы мен сатушы арасындағы сенімді қарым-қатынас орнатуға көмектеседі. 

Ақпараттық:

• Тауар фотосы тауар туралы барлық ақпаратты қамту қажет. Сатып алушылар тауарды әр қырынан, түрлі жағдайда және масштабта көргісі келеді, яғни тауардың түрі мен сипаты туралы бәрін білгісі келеді. 

Бәсекелестік:

• Онлайн-cауда әлемінде сапалы фотосуреттер сәтті сауданың негізгі факторы болуы мүмкін, демек көптеген ұсыныс арасынан топ жарып шығуға мүмкіндік береді. 

Түйіндеп айтқанда жақсы суреттер тауарды сатудың ықтималдығына ғана емес, сондай-ақ сатып алушы мен сатушы арасында сенімді қарым-қатынас орнатуға әсер етеді. Сол себепті, онлайн тауар сататын болсаңыз сапалы суреттер жасауға назар аударуыңыз аса маңызды. 

Тауарды фотоға өзіңіз түсіретін болсағыз белгілі құралдар мен материалдар және кейбір дағдылар қажет болады. Кәсіби құрал-жабдықтар мен фотограф сапалы суреттер жасайтыны анық, дегенмен өзіңіз де жақсы нәтиже жасай аласыз. 

• Түсірілімге арналған техника: 

Алдымен фотоаппарат қажет. Жақсы камерасы бар смартфонда бұл тапсырманы орындауға жарайды. Жақсы жарық болуы қажет, сондықтан штатив пен жарық көздері керек болады. Түсірілімге фон пайдаланған жөн болады, сонда тауар таза, жинақы көрінеді. 

• Киімге/тауарға арналған фотостенд: 

Фотостенд болуы міндетті емес, бірақ ол фото сапасын айтарлықтай жақсаратуы мүмкін. Оны қолда бар материалдардан жасай аласыз, ақ мата, картон немесе пенопласт пайдалана аласыз. Сондай-ақ дайын фотобокстар да бар. 

• Жұмыс кеңістігін ұйымдастыру:

Түсірілімге орын таңдап, жақсы жарықпен қамтамасыз ету маңызды. Жұмыс кеңістігінде артық зат жоғына және жұмысқа кедерге ететін ештеңе жоғына көз жеткізіңіз. 

• Модель мен қосымша жабдықтар :

Тауардың кейбір түріне модель қажет болуы мүмкін, мәселен киімді көрсету үшін немесе тауарды қолданыста көрсету үшін. Қосымша құралдар да қажет болуы мүмкін, мысалы тауарды ұстайтын арнайы тіреуіш немесе жарықты жақсарту үшін шағылдырғыш. 

• Тауар фотоларын өңдеу 

Фотолардың бәрі өңдеуді қажет етпейді, кейбір түзетулер фото сапасын жақсартуы мүмкін. Adobe Photoshop пен Lightroom сияқты фотоларды өңдеуге арналған бағдарламалар контрастты, түсті жөндеуге немесе майда дефекттерді алып тастауға пайдалануы мүмкін. Асыра көп өңдеу пайдалансаңыз, тауардың түрі өзгеріп, шынайы қалпынан ерекшеленуі мүмкін, сондықтан абай болыңыз.

Үй жағдайында түсірілім жасағанда,  жақсы ұйымдастыру мен пайдалы кеңестер қолданасыңыз жақсы нәтижеге қолжеткізе аласыз. 

• Тауарға арналған фотостенд қалай жасауға болады? 

Фонды таңдау тауар түріне байланысты. Кіим мен аксессуарлар үшін көп жағдайда ақ түсті фон қолданылады, себебі ол тауарды тартымді етіп көрсетеді. Дегенмен, тамақ немесе декор элементтері үшін түрлі түсті, фактуралы фондар пайдаланған жөн болады. Табиғат аясында түсірілім жасау да жақсы идея, демалыс пен табиғатқа байланысты тауарларды түсіруге жарайды. 

• Жарық қоямыз:

Сапалы фото жасау үшін дұрыс жарық басты рөл атқарады. Табиғи жарықта, яғни күндіз түсірілім жасаған абзал. Тауарға барлық қырынан жарық түсіп тұрғанына көз жеткізіп, артық көлеңкенің болмауына мән беріңіз. Егер жарық аз болса, қосымша жарық көзін пайдалана аласыз, мысалы үстел лампасы немесе светодиод панельдері.

• Лайтбокс ішінде түсіру: 

Лайтбокс – әйнектей қабырғалыр бар арнайы құрылғы, ішінде жарығы бар, ол объектті барлық қырынан жарықтандырып тұрады. Лайтбокс зергерлік бұйымдар, косметкика немесе электроника сияқты майда заттар түсіріліміне жарайды. Лайтбокстың артықшылығы – жарықты біркелкі түсуі, яғни тауарды көлеңкесіз түсіру мүмкіндігі бар, сондай-ақ фотоны өңдеуде оңай болады. Дегенмен, ірі тауарларға лайтбокс жарамайды.

Маркетплейске арналған фотолар жақсы сапа мен тартылымдық, жақсы ажыратымдылықтан бөлек, платформа талаптарына сай болуы тиісті. Мысалы, OLX хабарландырулар сервисінде бірнеше талап бар: 

• Бір хабарландыруға сегіз суреттен артық қоса алмайсыз. Тек “Авто” мен “Жылжымайтын мүлік” санаттарында 24 фото жариялауға рұқсат етілген. 
• Платформада фотолар жақсы көрінуі үшін, сурет ажыратылымдығы 2000*2000 пиксель, максималды өлшемі 5MB болуы тиіс. 

Тауар фотоларын жасағанда, фотоөнерден аз да болса хабарыңыз бен дағдыңыз барына көз жеткізіңіз. Тауарыңызды тартымды етіп түсіру үшін  фотостенд жасап, жақсы камера алыңыз.