Қазақстанда турагенттік қалай ашуға болады?
Мазмұны
Саяхат, жаңа эмоциялар,жаңа мәдиентті тану, жаңа елдер мен қалалар ашуды әр адам армандайды. Туризм жылдан жылға дамып келе жатыр, яғни бұл бизнес саласында табысқа жетуге болады. Турагенттікті қалай ашуға болады? Шынымен де табысты бизнес пе? Турфирма ашу үшін не істеу керек? деген сұрақтарға жауапты осы мақаладан табасыз 🙂
Турагенттік ашу тиімді ме?
Қазақстанда туристік бизнес ашу салық төлемдері мен басқа да заңды міндеттемелер тұрғысынан өте тиімді. Қазақстан Республикасының заңнамасына сәйкес, 2015 жылдан бастап кәсіпкерлер туризм саласындағы бизнесті тіркеу кезінде мемлекеттік баж салығын төлеуден босатылады. Жарғылық капиталдың сомасын көрсетудің қажеті жоқ, табыс салығы 15-20% -ды, сақтандыруға жұмсалатын шығындар ең көп дегенде 11% -ды құрайды, бұдан әрі ешқандай басқа салық шығындары жоқ.
Дегенмен, жеңілдетілген салық жүйесі мен бизнесті құру үшін қолайлы жағдайлар сізге бизнестің табысты дамуына кепіл емес. Осы нарықтағы бәсекелестік өте жоғары, оған жоғары тәуекелдер мен көптеген мәселелер ілесе жүреді, өйткені бұл сектор адамдармен және коммуникациялармен тығыз жұмыс істеуді талап етеді.
Туризмге сұраныс жыл сайын өсіп жатыр және бұл үрдіс осы нарықтың дамып, кеңеуіне әкеледі. Дүниежүзілік туристік ұйым талдауы нәтижесінде әлемдік туризм жыл сайын шамамен 3,5% -ға өсетінін және аталған қарқын тек өсетін көрсетті. Бұл деректерді OLX статистикасы да растайды, «Туризм/иммиграция» «Қызметтер» санатындағы хабарландыру сервисіндегі танымал сұраныстардың бірі. 2023 жылы осы іздеу бойынша хабарландырулар саны 800 мыңнан асты, белсенді әрекеттер саны 30 мыңнан асты және белсенді пайдаланушылар саны 11 мыңнан асты.
Бизнес турфирмасы ма, әлде туроператор ма?
Турагенттік – кең таралған және тартымды бизнес, алайда осы нарықтың маңызды үрдістерін білу және түсіну, адамдармен байланыс жасай білу және жалпы жаңа жаңалықтар мен сын-қатерлерге дайын болу қажет. Ең алдымен, өзіңізді қалай тұрғыландыруыңыз, жұмыстың қандай көлемімен және қандай бағыт бойынша жұмыс істейтініңізді анықтаңыз.
Мысалы, турагенттікті/турфирманы ашу тек дайын турларды сатуға, жаңа клиенттерді іздеуге, маркетингтік стратегияны әзірлеуге, яғни, турларды іске асыру жұмысына зейін қоюды білдіреді. Туроператорлар ұйымдастыру мәселелерімен айналысады: туристік пакет жасау, турды әзірлеу, көлікке тапсырыс беру, қонақ үйді таңдау, маршрутты пысықтау және тағысын тағы.
Турагенттіктер клиенттер мен туроператорлар арасындағы көпір ретінде әрекет етеді, алайда оларды «делдалдарға» жатқызуға болмайды. Қазір компаниялардың көпшілігі екі функцияны да орындай отырып, «туроператорлар – турагенттіктер» жүйесі бойынша жұмыс істейді.
Турагенттікті нөлден қалай ашуға болады: қадамдық нұсқаулық
Турагенттік ашу үшін не керек? Туристік бизнесті неден бастау керек? Туристік бизнесті нөлден қалай көтеруге болады? Осы және басқа да көптеген мәселелер кез келген бизнесін жаңа бастаған кәсіпкерді толғандырады. Сіз үшін турагенттікті тіркеудің негізгі кезеңдерін қамтитын егжей-тегжейлі нұсқаулық жасадық:
Нарық пен бәсекелестерді талдау
Нарықта қандай ойыншылар бар, олар қай бағытқа назар аударады, қандай турларды ұсынады, олардың қызметтерінің артықшылығы неде: қызықты турлар, арзан бағалар, арзан (горящие туры) жолдамалар және т.б. Егжей-тегжейлі талдау сізге нарықтық жағдайды жақсырақ түсінуге, клиенттің ауырсыну нүктелерін сезінуге, неге назар аударуға және өз компанияңыздың жұмысын дұрыс жолға қоюға мүмкіндік береді.
Туристік агенттік ашу: бағыт таңдау
Бүкіл нарықты жалпы бағалағаннан кейін, сіз өз клиенттеріңізге қандай туристік бағыттар бойынша жолдама ұсынатыныңызды анықтау маңызды. Қазақстандықтарды экзотикалық елдерге жібересіз бе, діни туризмге баса назар аударасыз ба немесе Қазақстан қалаларына тоқтайсыз ба? Көптеген бағыттар бар: all-inclusive стиліндегі турлар, қажылық, шипажайларға сауықтыру турлары және т.б. Сіздің таңдауыңыз клиенттердің қажеттіліктерінен, нарықтағы сұраныстан және сіздің мүмкіндіктеріңіз бен сапалы және жайлы демалыстың кепілдіктерінен шығуы тиіс.
Агенттік атауын таңдау
Туристік агенттік ашу үшін не қажет? Әрине, жеңіл, үндес және ең бастысы есте қаларлық атау. Сіздің атауыңыз құлаққа жағымды, «ел аузында» сақталатын және жағымды эмоциялар тудыратын болуы маңызды. Жоғары бәсекелестікке байланысты қарапайым, стандарт атаулар толып жатыр, сондықтан ерекше әрі бірегей атау ойлап көріңіз. Компания атауы маркетингтің алғашқы қадамы, сондай-ақ компания логотипіне де көңіл бөліңіз.Қарапайым, әдемі әрі есте қаларлық логотип ойластырыңыз.
Бизнес-жоспар дайындау
Бірде-бір бизнес-жоба жоспарсыз жүзеге аспайды, ол қадамдық әрекеттер алгоритмі, жалпы стратегия және ісіңізді дамыту тұжырымдамасы. Бұл кезеңде сіз үшін клиент профилін таңдау, басқаша айтқанда, мақсатты аудиторияны талдау маңызды. Бұл сізге клиенттерді табуға, қызметіңізді/өніміңізді жақсартуға, маркетинг құралдарын енгізу үшін платформаны таңдауға, қай жерде даму керектігін, жаңа өнім желілерін немесе қосымша қызметтерді қосу және тағысын тағы.
Турфирманы тіркеу
Қазақстан Республикасының заңнамасына сәйкес турагенттікке лицензия талап етілмейді. Дегенмен бизнестің кез келген басқа түріндегідей, сізге өз кәсіпорныңызды тіркеу бойынша қажетті процедуралардан өту қажет, ол ЖК немесе ЖШС болуы мүмкін. ЖК ашқан жағдайда сіз уақытыңызды үнемдейсіз, себебі жеке кәсіпкер ретінде тіркеу процедурасы әлдеқайда оңай. Бұдан басқа, ЖК салық салудың және бухгалтерлік есеп жүргізудің оңайлатылған нысанына ие. Бірақ өзінің кемшіліктері де бар: әріптестер мен клиенттер алдындағы жоғары жауапкершілік, тең құрылтайшылық мүмкіндігінің болмауы. ЖШС ашу кезінде сіз бірнеше құрылтайшыларды таңдай аласыз, бірлескен күш-жігердің арқасында өз ісіңізді кеңейтіп, дамыта аласыз. Мұндай бизнесті ұйымдастыру нысаны тәуекелі аз, алайда тіркеу үшін құжаттар пакетін көбірек талап етеді, есептілік неғұрлым күрделі және тағысын тағы.
Турагенттікті ашу үшін қандай құжаттар қажет? ЖК немесе ЖШС тіркеу үшін талап етілетін негізгі құжаттар. Әдетте, бұл жеке басын куәландыратын құжаттар, құрылтай құжаттары, банк шотының ашылғанын және бар екенін растайтын құжаттар және т.б.
Орын іздеу
Сіздің кеңсеңізді қайда орналастыруды жоспарлап отырғаныңыз да маңызды: орналасқан жері, қаланың қай ауданы, ғимарат пен үй-жайдың жай-күйі, беделі және т.б. Әрине, кеңсені адамдар ағыны мен қозғалысы көп абаттандырылған аудандарда, мысалы, қала орталығында ашу ұсынылады.
Кеңсенің дизайны мен атмосферасы өзіне сай болуы тиіс. Сіздің клиенттеріңіз кеңсеңізде жайлы сезінуі тиіс. Қайтып оралғың келетін жер болатындай.
Кеңсені жалға алу немесе сатып алу арасындағы таңдау тек сіздің қаржылық жағдайыңызға байланысты. Егер сізде жеткілікті ақша болса, бірден орынды сатып алуға немесе дамудың бастапқы кезеңінде ғимаратты жалға алуға болады.
Қажетті құрал-жабдықтарды сатып алу
Туристік агенттікті қалай ұйымдастыруға болады? Кеңсені ұйымдастырыңыз, қолайлы атмосфера жасаңыз және барлық қажетті жабдықты сатып алыңыз. Туристік фирма ерекше тауарларды қажет етпейді, стандартты кеңсе жабдықтары жеткілікті: компьютерлер, принтерлер, жоғары сапалы және жылдам интернет, телефония жабдықтары, касса.
Туристік агенттік қызметкерлері
Ұйымдастыру мәселелерін шешкеннен кейін қызметкерлерді жалдап, команда құруды бастау қажет. Туристік агенттіктегі қызметкерлердің саны тікелей сіз қанша жұмыс істеуді жоспарлап отырғаныңызға, қаншалықты үлкен клиенттік базаны дамытатыныңызға және т.б. байланысты.
Кез келген туристік агенттік туроператорлардан, сату және брондау жөніндегі мамандардан, бухгалтерлерден, әкімшілік және техникалық қызметкерлерден (әкімші, менеджер, техник және т.б.) құралады.
Агенттікті жылжыту және насихаттау
Бұл сұрақта сізге нарық пен мақсатты аудиторияны талдау бойынша деректер қажет болады. Сіздің әлеуетті клиенттеріңіздің мүдделері қандай? Олар көбінесе уақытын қайда өткізеді? Қандай әлеуметтік желілерді жиі пайдаланылады? Осы сұрақтардың барлығына жауап бере отырып, сіз осы платформалар арқылы маркетингтік стратегияны одан әрі іске асыра алатындай тұтынушыларыңызбен байланыс арналарын анықтай аласыз. Мысалы, танымал платформалардағы/алаңдардағы хабарландырулар, әлеуметтік желілер, таргеттелген жарнама, жеке ресми сайт құру және т.б.
Турагенттікті ашу қанша тұрады?
Кез келген бизнес сияқты турагенттік құру да көп шығын мен күш-жігерді талап етеді. Ісіңізді жаңа бастаған кәсіпкер болсаңыз, жалға алынған кеңседен бастасаңыз болады сіздің тәжірибеңізді ескере отырып, турды дербес әзірлеп, оны жарнамалауды бастасаңыз жеткілікті. Туризм саласында бизнес ашу кезіндегі негізгі шығындар – бұл ЖК/ЖШС тіркеу кезіндегі мемлекеттік баж, кеңсені жалға алу/сатып алу, ұйымдастыру техникасын сатып алу, әкімшілік және коммуналдық қызметтерге (интернет, жарық, су) шығындар, жалақы төлеу шығындары.
Кез-келген адам туристік агенттік құра алады. Алайда, осы іске шынымен де қызығушылықтарыңыз бар екеніне, адамдармен қарым-қатынас жасай алатыныңызға, стрессті жағдайларға төтеп бере алатыныңызға және әрқашан жаңаға ашық болатыныңызға сенімді болу керек.