Маркетплейстердің менеджері деген кім және ол кімге керек?

Бизнес әлемінде менеджменттің көптеген бағыттары бар, олардың әрқайсысының өзіндік ерекшеліктері бар және ерекше дағдыларды талап етеді. Алайда, технологиялардың дамуы және онлайн-сауда үшін жаңа платформалардың пайда болуымен бизнесті басқару саласында жаңа мамандандықтар пайда болды.  Осындай салыстырмалы түрде жас мамандықтардың бірі маркетплейстердің менеджменті болып табылады.

Маркетплейс менеджері мамандығы – Amazon, eBay, AliExpress  сияқты ірі онлайн алаңдарда сату және маркетингті басқаруға маманданған маман. Олардың міндеті: компанияның осы алаңдардағы тауарларын сатуды оңтайландыру, сондай-ақ жарнамалық науқандарды, тауарлар ассортиментін басқару және клиенттерге қызмет көрсетудің жоғары деңгейін қамтамасыз ету.

Маркетплейс менеджері өз тауарларын онлайн-платформалар арқылы белсенді түрде сататын және осы сату арналарының әлеуетін барынша тиімді пайдалануға ұмтылатын компанияларда сұранысқа ие. Мұндай мамандар сату процесін оңтайландыруға, тауарлардың танымалдығын  арттыруға, сондай-ақ маркетплейстердегі  сатудан түсетін пайданы барынша арттыруға көмектеседі.

Маркетплейс менеджерлерінің кәсіби білімі мен дағдылары онлайн-сауданы басқару үшін аса маңызды. Осы саладағы маман игеруі тиіс негізгі дағдылар мен білім деңгейіне көз жүгіртейік: 

1. Платформалар жұмысын түсіну: Маркетплейс менеджері Amazon, eBay, AliExpress сияқты ірі онлайн-алаңдар жұмыс ерекешеліктерін түсінуі қажет. Оған тауарларды орналастыру, ассортиментті басқару, тауарлар тізімін оңтайландыру мен жарнамаолық компаниялар кіреді. 
2. Маркетинг пен реклама: Онлайн-ортада маркетинг пен жарнаманың негізгі қағидаттарын түсіну маркетплейстерде тауарларды табысты сату үшін қажет. Оған SEO, контекстік жарнама, талдау және тиімді жарнамалық науқандарды жүргізу кіреді.
3. Ассортиментті басқару: Онлайн-алаңдағы тауарлар ассортиментін дұрыс басқара білу, сұраныс пен бәсекелестікті анықтау, тиімді бағаны анықтау және сауда стратегиясы. 
4. Коммуникациялық дағдылар: Маркетплейс менеджерінің клиенттермен, жеткізушілермен және компанияның ішінде  әрекеттесу үшін жақсы коммуникациялық дағдыларға болуы тиіс. 
5. Талдау қабілеті: Деректерді талдау және талдау негізінде тұжырым жасай білу саданы оңтайландырып, стратегиялық шешімдер жасау үшін аса маңызды.

Маркетплейс менеджерінің жеке қасиеттері де маңызды рөл атқарады:

1. Стресске төзімділік: Маркетплейстегі  жұмыс динамикалық болуы мүмкін және ортадағы өзгерістерге жылдам реакция  етуді талап етеді.
2. Бастамашылық және дербестік: Күрделі жағдайларда бастамашылық және дербес шешім қабылдау қабілеті алаңдарда сатуды тиімді басқаруға көмектеседі.
3. Мақсаткерлік: Мақсаткерлік және нәтижелерге қол жеткізуге ұмтылу қойылған мақсаттар мен міндеттерді орындауға мүмкіндік береді. 
4. Клиенттерге бағдарлану: Клиент сияқты  ойлай білу және қызмет көрсетудің жоғары деңгейін ұсына білу жаңа клиенттерді ұстап қалу және тарту үшін маңызды. 
5. Бейімделу: Нарықтық ортадағы өзгерістерге және технологиялық жаңалықтарға тез бейімделу қабілеті онлайн-сату нарығында бәсекеге қабілетті болуға көмектеседі.

Маркетплейстер менеджерінің міндеттері кең және күнделікті негізде орындалатын бірқатар міндеттерді қамтиды. Менеджер жұмысының негізгі аспектілері:

1. Сатуды басқару: Маркетплейс менеджерінің негізгі міндеттерінің бірі – алаңдарда сату процесін басқару. Бұл тауарлар тізімін оңтайландыруды, бағаларды басқаруды, жарнамалық науқандарды өткізуді және бәсекелестік ортаға мониторингті қамтиды.
2. Деректерді талдау: Менеджер нарық үрдістерін анықтау, маркетингтік кампаниялардың тиімділігін анықтау және стратегиялық шешімдер қабылдау үшін сату, клиенттер және бәсекелестер туралы деректерді талдауға тиіс.
3. Клиенттермен өзара әрекет: Менеджер тапсырыстарды өңдеуді, сатып алушылардың мәселелері мен сұрақатарын шешуді, сондай-ақ сатып алу процесінде клиенттерді қолдауды қоса алғанда, клиенттермен өзара әрекеттесуге жауапты. 
4. Ассортиментті басқару: Сондай-ақ менеджер алаңдағы тауар ассортиментін басқаруға, жаңа тауарларды қосуға, біткен немесе өзектігін жоғалтқан тауарларды өшіруге, тауарлара сипаттамасын оңтайландыруға жауапты. 
5. Жеткізушілермен ынтымақтастық: Менеджер жеткізушілермен байланыс орнатады, ынтымақтастық шарттарын талқылайды, тауарларды жеткізуді қадағалайды және мәселелер мен сұрақтарды шешеді. 
6. Есеп пен жоспарлау: Менеджер сату нәтижелері есептерін жасауға, нәтижелерді талдауға және маркетплейстегі бизнесті дамытудың стратегиялық жоспарларын қалыптастыруға жауапты. 

Әдетте менеджер міндеттерін компания басшылығы немесе сауда бөлімі басшылығы тағайындайды. Жұмыс сапасын аналитикалық талдаудар, клиенттердің кері байланысы және жұмыс тиімділігінің негізгі көрсеткіштерінің мониторингі арқылы бағалайды. 

Маркетплейстегі жұмыс ұйымның бағыты мен мақсаттарына қарай өзгеріп отырады. Маркетплейс менеджері жұмысының бірнеше нұсқасы бар: 

1. Кеңседегі жұмыс
   Кейбір компаниялар үшін маркетплейс менеджері кеңседе жұмыс істегені маңызды, себебі командамен байланыс орнатып, әркеттесу қажет. Кеңседе менеджерлер түрлі стратегияларды талқылап, жиналыс өткізіп, басшылықтан жылдам кері байланыс ала алады. 
2. Қашықтан жұмыс 
   Заманауи талаптарға қашықтан жұмыс танымалдағы тек өсіп келеді. Көп компаниялар қызметкерлеріне қашықтан жұмыс істеуге мүмкіндік береді. Бұл қызметкерлердің икемділігін сақтауға және қанағаттылығын арттыруға мүмкіндік береді, әсіресе олар жұмыс үшін қажетті құралдар мен ресурстармен қамтамасыз етілген болса. 
3. Икемді жұмыс кестесі 
   Маркетплейс менеджерлері уақытты тиімді басқаруға және жұмысты жеке міндеттерімен біріктіруге мүмкіндік беретін икемді жұмыс кестесі ыңғайлы болуы мүмкін. Бұл белгілі бір сағаттарда немесе аптаның күндерінде жұмыс істеу, сондай-ақ қажет болған кезде белгілі бір міндеттерге көбірек уақыт бөлу мүмкіндігін қамтуы мүмкін.
4. Күнделікті жұмыс vs нақты тапсырмалар
   Маркетплейс менеджері күнделікті тапсырмаларды да, нақты  тапсырмаларды да орындайды.  Кейбір тапсырмалар сатуды бақылау немесе тұтынушылармен қарым-қатынас жасау сияқты күнделікті назар аударуды талап етуі мүмкін, ал басқалары бір реттік немесе тек уақытша тапсырмалар болуы мүмкін, мәселен, тауар тізімін оңтайландыру немесе маркетингтік науқандау ұйымдастыру. 

Тұтастай алғанда, маркетплейс менеджері жұмысының форматы әртүрлі болуы мүмкін және компанияның артықшылықтарына, сондай-ақ менеджердің өзінің жеке қажеттіліктері мен мүмкіндіктеріне байланысты болады.