Хабарландырулар рәсімдеудегі жиі кездесетін қателер

Қазір бизнестің дамуын және бизнесті ілгерлетуді интернет технологиясыз елестету мүмкін емес. Мысалы, әлеуметтік желілердегі парақшалар, маркетплейстердегі хабарландырулар нарықтың талабы екенен бәріміз түсінеміз. 

Бұл мақалада маркетплейстерде, яғни тауар карточкаларын қатесіз, қалай толтыру қажеттігін айтып береміз =) 

Тауар карточкасы, электронды сөреңіз десек те болады. Оның көмегімен көп клиент тарта аласыз. Әдетте тауар карточкасында компания, өнәм, тауар, қызмет туралы ақпарат болады, яғни сатып алу тауардың артықшылықтары туралы ақпарат алады. 

Маркетплейстерге арналған тауар карточкасы тауарыңызды бірден сатуы қажет, себебі бұл бизнесіңіз бен өніміңіздің негізгі беташары десек те болады. Сондықтан карточканы рәсімдеу аса маңызды қадамдардың бірі. Ең бастысы ақпарат түсінікті, оқуға оңай және әрекет етуге итермелеу қажет. 

Тауар карточкасында грамматикалық қателер мен тым көп ақпарат болмауы қажет. Бизнес “сөресін” рәсімдегенде жиі кездесетін қателерді бірге талдайық: 

Тауардың ақпаратсыз атауы

Сіздің тауарыңыздың тақырыбы бойынша әлеуетті сатып алушылар оларға қандай тауар ұсынылатынын және жалпы не туралы сөз болып отырғанын түсінуі тиіс. Әдетте, өнімнің атауы бойынша пайдаланушылар алғашқы бірнеше секунд/минут ішінде оларға осы ақпарат қажет пе, жоқ па, олар сол жерден пайдалы және қажетті нәрсе таба ала ма деген шешім қабылдайды. Демек, сіздің тақырыбыңыз барынша ауқымды, нақты және артық деректермен жүктелмеуі тиіс. Тауардың ақпаратсыз атауының мысалы: “Жылы киімдерді сатамын”, “Техниканы арзан сатамын”, “Қосалқы бөлшектерді сатамын”, “Арзан үйге арналған тауарлар” және т.б. Тауарлар үшін неғұрлым нақты атауларды пайдалануға тырысыңыз, мысалы, “iPhone  13Pro, 128Гб сатамын”, “Қызыл кешкі көйлек, XS” және тағысын тағы. 

Тауардың қате санаты

Маркетплейсте ауардың/қызметтің нақты тауашасын таңдау маңызды. Пайдаланушылар әдетте іздеу жүйесінде қажет заттарды жазып іздейді, сондықтан санатты қате таңдасаңыз, әлеуетті клиенттер сіздің компанияны таба алмай қалады.  Платформадағы тауарлар санатын зерттеп, сіздің бизнес қай санатқа жататынын анықтап алыңыз. Мысалы, балалар тауарларын сататын болсаңыз, “Сән мен стиль” санатын таңдамаңыз. Балаларға арналған “Балалар әлемі” санаты бар. 

Суреті жоқ немесе тауарға қатысы жоқ суретін қолдану 

Хабарландыруыңызды жариялағанда міндетті түрде фото жүкетеңіз. Әлеуетті клиенттеріңіз қандай тауар алатынын көруі тиіс. Фотолар жоғары сапалы, шынайы әрі тауар сипаттамасына сай болуы тиіс. 

Тым қысқа не тым ұзын мәтін 

Тауар карточкасы мүмкіндігінше толық ақпарат беруі тиіс, яғни, тауардың сипаты, неден жасалған, түсі, сапасы, өндірушісі, жалпы сипаттамасы сияқты ақпарат болуы қажет. Хабарландыруыңыз тым қысқа, не тым ұзын болмауы тиіс. “Көйлек сатам. Бір рет кидім. Арзан. Дене бітімі сұңғақ қыздарға жақсы жарасады” деп жазбаған жөн. “Көйлек XS. Қымбат емес” деген сипаттаманы да қолданбаған жөн. 

Нақтылық жоқ 

Хабарландыруға көп артық ақпарат жазбаймыз деген ниетпен көп жағдайда тауар туралы толық ақпарат жазылмай қалады. Тауардың толық сипаттамасы пайдаланушылар үшін аса маңызды екенін есте сақтаңыз. “Көлік қолданылған, бағасы қымбат емес, бағасын келесеміз” – бұл жаман мысал. Жарнаманың нақты және ақпараттық мысалы: “Toyota Camry 70 сатамын, 2019 жыл, жүріс: 90.000 км, түсі: қара” және тағысын тағы. 

 Грамматикалық қателер

Маркетплейстердегі тауар карточкаларында грамматикалық қателер болмауы тиіс. Жаңсақ басу, қателіктер немесе дөрекі грамматикалық қателердің болуы пайдаланушылар тарапынан күдік туғызады, бұл өз кезегінде сіздің тауарыңызды сатып алу ықтималдығын төмендетеді. Хабарландыруды жарияламас бұрын, бүкіл мәтінді мұқият тексеруді ұсынамыз. Егер күмәніңіз болса,   ұсыныстарды қандай да бір қателіктерге тексеру үшін тегін платформаларды немесе сайттарды пайдалана аласыз.

Күдікті тіркестер 

Нақты емес немесе күдікті сөз тіркестерін пайдаланбаңыз. Тауардың карточкасы, мысалы, “алдын ала төлем жасау керек”, “тауарды алдын ала төлегеннен кейін ғана көрсетуге болады”, “сатып алуға дайын болмасаңыз, мазаламаңыз” және тағысын тағы. Сондай-ақ мәтіннің стилистикасын сақтау өте маңызды. 
Маркетплейстер үшін карточкалар жасау бизнестің танымалдылығын және пайдаланушылардың қызығушылығын айтарлықтай арттыруға мүмкіндік береді. Жоғарыда көрсетілген кеңестерді сақтаңыз және жиі кездесетін қателіктерді болдырмаңыз. Тауар карточкалары сіздің ісіңіздің табысқа жетуінің кепілі.